| 減價大酬賓
|
歐債危機牽一髮動全身，環球金融市場再次水緊，政府、企業、個體戶四圍撲水，股市、樓市交投淡靜。港股星期五只有395億成交，百幾億買窩輪牛熊証，兩百幾億成交肯定買晒大籃籌、大國企及維持基本秩序，二三四線股成交全線打柴。 挨年近晚酒店餐廳一定好生意，今年更好生意可能係擋鋪。
周大福年中計劃以25至30倍市盈率招股，成為全球第一大上市珠寶公司，惜逢股市大寒冬，最終配合該店推廣口號 ─『周大福減價大酬賓』，市傳招股價介乎15至21倍市盈率，集資額157.5至220.5億。
港股成交插水，港交所(388)未來半年都唔會好生意，持貨者建議盡早沽出；投機者可買入港交所(388)相關熊証及Put輪以作對沖。水能載舟，亦能覆舟；股樓無水唔知可以玩咩舟。來年股市高低波幅可能有一萬點，伺機買入建行 (939)、工行(1398)、恆生國指ETF(2828) 、中海油(883)、兗州煤(1171)。一字記之曰 等。
上載日期 : 2011-11-29
| |